ՌԵՍՏՈՐԱՆ
«Սոճուտ» հանգստյան տան ռեստորանը հյուրերին առաջարկում է երեքանգամյա սնունդ. նախաճաշը «շվեդական սեղանի» ձևով, իսկ ճաշը և ընթրիքը ըստ սեզոնային ճաշացուցակի՝ հյուրի ընտրությամբ: Մեզ մոտ մատուցվում են հայկական և եվրոպական խոհանոցների հայտնի ճաշատեսակներ, ինչպես նաև շեֆ խոհարարի հեղինակային ուտեստներ, որոնք բավարարում են նույնիսկ ամենաքմահաճ այցելուների պահանջները: Փոքրիկ հյուրերի համար նախատեսված է մանկական մենյու: Ռեստորանում հնարավոր է կազմակերպել նաև հարսանյաց հանդեսներ և տոնական բանկետներ:
-
ՄԻՋՈՑԱՌՈՒՄՆԵՐ
Նոր Տարուն և Սուրբ Ծննդյան տոնին գործում են նաև հատուկ փաթեթներ՝ Ձեր Ամանորյա հանգիստը ավելի հիշարժան դարձնելու համար։
-
-
ԲԱՐ
Բարում կարող եք ուրախ ժամանակ անցկացնել ընկերների և ընտանիքի հետ, վայելել կոկտեյլների, թեյի և սուրճի բազմազան տեսակներ, համեղ աղանդեր և պաղպաղակ: Առաջարկվում է նաև ոգելից խմիչքների՝ ռոմի, վիսկիի, կոնյակի, օղու և գարեջրի լայն ընտրություն: Հատկապես հաճելի են ջերմ ամառային երեկոները մեր բարի գողտրիկ պատշգամբում։
ԿՈՆՖԵՐԱՆՍՆԵՐԻ ԴԱՀԼԻՃ
«Սոճուտ» հանգստյան տանը ստեղծված են բոլոր պայմանները ոչ միայն լիցքաթափվելու, այլև ստեղծագործելու և աշխատանքի վրա կենտրոնանալու համար։ Հյուրերի տրամադրության տակ է կոնֆերանսների դահլիճը՝ նախատեսված գիտաժողովների, գործնական հանդիպումների, կլոր սեղանի քննարկումների և կինո-մուլտֆիլմերի ցուցադրումների համար:
ՇՈԳԵԲԱՂՆԻՔ
Մեզ մոտ գործում է ժամանակակից շոգեբաղնիքը, որտեղ կարող եք ամբողջովին կտրվել առօրյա հոգսերից և լիցքաթափվել: Այն թույլ կտա ազատվել լարվածությունից՝ զգալով իսկական շոգեբաղնիքի կազդուրիչ ուժը և ստանալ էներգիայի և առույգության մեծ լիցք: Ժամանակակից կյանքի բարձր տեմպի պայմաններում շոգեբաղնիքը սթրեսի կանխարգելման լավագույն տարբերակներից է:
-
ԽԱՂԱՀՐԱՊԱՐԱԿ
Փոքրիկների համար նախատեսված է մանկական սենյակը, որտեղ նրանք կարող են խաղալ տարբեր խաղալիքներով, կոնստրուկտորներով, սահել փոքրիկ սղարանով և օգտվել ճոճանակից: Մանկական խաղահրապարակը հիանալի վայր է բացօթյա խաղերի համար։
-
ԽԱՂԱՀՐԱՊԱՐԱԿ
Այստեղ Ձեր երեխաները կարող են ապահով պայմաններում խաղալ, սահել, ճոճվել, մագլցել, ինչպես նաև պատրաստել ավազե ամրոցներ։
ՍՊՈՐՏ ԵՎ ԽԱՂԵՐ
Ձեր ընտանեկան հանգիստն ավելի լիակատար դարձնելու համար հանգստյան տան տարածքում կարող եք օգտվել վոլեյբոլի և ֆուտբոլի դաշտերից: Հյուրերի տրամադրության տակ են նաև սեղանի թենիսն ու բիլիարդը։ Պասիվ հանգստի սիրահարները կարող են շրջել տարածքում, զբաղվել իրենց նախընտրած սեղանի խաղերով (շախմատ, շաշկի և նարդի), ժամանակ անցկացնել բացօթյա զրուցարաններում և հիանալ գեղատեսիլ բնությամբ:
ՎԵՐԱԿԱՆԳՆՈՂԱԿԱՆ ԿԵՆՏՐՈՆ
Վերականգնողական կենտրոնը բացվել է ի շնորհիվ ԵՄ-ը բիզնեսի համար նախաձեռնության «Նորարարական տուրիզմի և տեխնոլոգիաների զարգացումը Հայաստանում» ծրագրի դրամաշնորհի:
«Սոճուտ» հանգստյան տան վերականգնողական կենտրոնում մենք օգտագործում ենք բնության բուժական հատկությունները և բժշկության ձեռքբերումները միաժամանակ։
Մենք առաջարկում ենք վերականգնողական բուժման համալիր ծրագիր ժամանակակից ֆիզիոթերապևտիկ մեթոդներով.
- էլեկտրոթերապիա
- մագնիսոթերապիա
- լազերոթերապիա
- բուժում գերձայնային ալիքներով
- դարսոնվալ
- աերոիոնոթերապիա
- աերոֆիտոթերապիա
- հալոինհալյացիա (աղի քարանձավ սեղանի վրա)
- ինհալացիաների տարբեր տեսակներ
- բուժում ուլտրամուշակագույն ճառագայթներով:
ԷՔՍԿՈՒՐՍԻԱՆԵՐ
Հյուրերի ցանկությամբ պարբերաբար կազմակերպվում են էքսկուրսիաներ:
Տուրերն անցկացվում են նվազագույնը 6 մասնակիցների դեպքում:
