ԴԵՆԴՐՈՊԱՐԿ
«Սոճուտ» հանգստյան տան հյուրերը կարող են զբոսնել և վայելել սոճու անտառի բուժիչ հատկություններով օժտված օդն ու Լոռու գեղատեսիլ բնությունը Հայաստանի ամենագեղեցիկ և հեքիաթային վայրերից մեկում՝ Դենդրոպարկում:
![r343-r342-screen-shot-2018-10-25-at-225134.jpg](https://static.ucraft.net/fs/ucraft/userFiles/sochut/images/r343-r342-screen-shot-2018-10-25-at-225134.jpg?v=1587179928)
Դենդրոպարկ լատիներենից թարգմանած նշանակում է ծառայգի: Այգու տարածքի 17.5 հեկտարը բնական անտառ է, իսկ 15 հեկտարը՝ զարդանախշերով ծառեր։ Այն Հարավային Կովկասի առաջին անտառային ծածկույթն է, որը ձևափոխվել է զբոսայգու: Դենդրոպարկի բույսերի մեծ մասը բերվել է Երևանի բուսաբանական այգուց, իսկ միջազգային ծրագրերի շրջանակում նաև աշխարհի այլ երկրներից: Ընդհանուր առմամբ փորձարկվել են ավելի քան 2500 բուսատեսակներ: Ներկայումս այստեղ ներկայացված է ավելի քան 500 բուսատեսակ, այդ թվում՝ փշատերև և մշտադալար ծառեր:
Տարվա բոլոր եղանակներին Դենդրոպարկը գեղեցիկ է ու հրապուրիչ: Դենդրոպարկը կատարյալ վայր է ընտանիքով և մտերիմներով հանգստանալու համար: Կարելի է ժամերով շրջել ու չձանձրանալ այս դրախտային վայրում:
![887-887-screen-shot-2018-12-03-at-181424-15510799128484.png](https://static.ucraft.net/fs/ucraft/userFiles/sochut/images/887-887-screen-shot-2018-12-03-at-181424-15510799128484.png?v=1587179887)
![887-887-screen-shot-2018-12-03-at-181622-15510799126299.png](https://static.ucraft.net/fs/ucraft/userFiles/sochut/images/887-887-screen-shot-2018-12-03-at-181622-15510799126299.png?v=1587179887)
![887-887-screen-shot-2018-12-03-at-181412-15510799125535.png](https://static.ucraft.net/fs/ucraft/userFiles/sochut/images/887-887-screen-shot-2018-12-03-at-181412-15510799125535.png?v=1587179887)
![r345-fin.png](https://static.ucraft.net/fs/ucraft/userFiles/sochut/images/r345-fin.png?v=1587179928)
ԷՔՍԿՈՒՐՍԻԱՆԵՐ
Հյուրերի ցանկությամբ պարբերաբար կազմակերպվում են էքսկուրսիաներ:
Տուրերն անցկացվում են նվազագույնը 6 մասնակիցների դեպքում:
![r350-333.jpg](https://static.ucraft.net/fs/ucraft/userFiles/sochut/images/r350-333.jpg?v=1587179928)
Արդվի
Արդվի գյուղը գտնվում է Դեբեդ գետի բարձրադիր ձախափնյա սարավանդում, անտառապատ լեռան ստորոտում։ Այստեղ է գտնվում VIII-XVII դարերում կառուցված Արդվինի Սուրբ Հովհաննես, Սրբանես վանքը:
Վանքային համալիրը բաղկացած է երկու եկեղեցուց և զանգակատնից։ Վանքի տարածքում են գտնվում նաև խաչքարեր, քառակող կոթող, տնտեսական և բնակելի շինությունների փլատակներ։
Այստեղ է թաղված հայոց 34-րդ կաթողիկոս Հովհաննես Օձնեցին: Մեծ աստվածաբան, օրենսգետ, մտածող և բարենորոգիչ Հ. Օձնեցին մահից հետո դասվել է սրբերի շարքը՝ որպես Սուրբ Հովհաննես Իմաստասեր։
Արդվիում է նկարահանվել հայտնի հայ ռեժիսոր` Ս. Փարաջանովի «Նռան գույնը» ֆիլմը։
![911-911-screen-shot-2018-10-25-at-230429-15510802032868.png](https://static.ucraft.net/fs/ucraft/userFiles/sochut/images/911-911-screen-shot-2018-10-25-at-230429-15510802032868.png?v=1587179887)
![911-911-screen-shot-2018-10-25-at-230402-15510802032227.png](https://static.ucraft.net/fs/ucraft/userFiles/sochut/images/911-911-screen-shot-2018-10-25-at-230402-15510802032227.png?v=1587179887)
![911-911-screen-shot-2018-10-25-at-230353-15510802027637.png](https://static.ucraft.net/fs/ucraft/userFiles/sochut/images/911-911-screen-shot-2018-10-25-at-230353-15510802027637.png?v=1587179887)
![r352-bg1-15419241769889.png](https://static.ucraft.net/fs/ucraft/userFiles/sochut/images/r352-bg1-15419241769889.png?v=1587179928)
Հաղպատ և Սանահին
Հաղպատը հայկական միջնադարյան խոշոր վանքային համալիր է։ Այն հիմնադրվել է 976 թվականին, Բագրատունի Աշոտ Գ-ի թագավորության ժամանակ։ Համալիրի հնագույն եկեղեցին Ս.Նշանն է, որը կառուցել է Խոսրովանույշ թագուհին` 976-991թթ.-ին։
XI-XIIIդդ. Հայաստանում հայտնի էին Հաղպատի դպրոցը և գրատունը, որտեղ ուսուցանել են քերականություն, հռետորություն, փիլիսոփայություն, աստվածաբանություն, երաժշտություն և այլ առարկաներ։
Սանահին վանական համալիրը X–XIII դարերում հոգևոր, մշակութային և գիտակրթական նշանավոր կենտրոն է եղել: Հիմնադրման ճշգրիտ տարեթիվը հայտնի չէ, ըստ ավանդության` վանքը հիմնադրվել է 4-րդ դարում: Մեզ հասած համալիրը 966 թ-ին հիմնել է Հայոց թագավոր Աշոտ Գ Ողորմածը: Վանքի գլխավոր տաճարը Ամենափրկիչ եկեղեցին է, որը 957-966թթ.-ին կառուցել է Աշոտ Գ Ողորմածի կինը` Խոսրովանույշը։
Հաղպատը և Սանահինին հանդիսանում են ՅՈՒՆԵՍԿՕ–ի համաշխարհային ժառանգության օբյեկտ և ամեն տարի գրավում բազմաթիվ միջազգային զբոսաշրջիկների և տեղացիների։
![922-922-0bf9e341-e80d-4f72-b202-eabfe65f8725-15510805267246.jpeg](https://static.ucraft.net/fs/ucraft/userFiles/sochut/images/922-922-0bf9e341-e80d-4f72-b202-eabfe65f8725-15510805267246.jpeg?v=1587179888)
![922-922-akhtalamonastery-15510805294763.jpg](https://static.ucraft.net/fs/ucraft/userFiles/sochut/images/922-922-akhtalamonastery-15510805294763.jpg?v=1587179888)
![922-site07770008-750-0-20130128120456.jpg](https://static.ucraft.net/fs/ucraft/userFiles/sochut/images/922-site07770008-750-0-20130128120456.jpg?v=1587179888)
![r356-bg2-15419241872288.png](https://static.ucraft.net/fs/ucraft/userFiles/sochut/images/r356-bg2-15419241872288.png?v=1587179928)
Լոռի Բերդ
Լոռի կամ Լոռե բերդը միջնադարյան անառիկ ամրոց է, որը գտնվում է Ստեփանավանից 5 կմ հեռավորության վրա՝ Ձորագետի և դրա վտակ Միսխանայի միջև, որոնց խորը կիրճերը երեք կողմից ժամանակին բերդն անմատչելի են դարձրել։
Հիմնադրվել է Դավիթ Անհողինի կողմից, թվագրվում է մոտավորապես 1005-1020 թթ.-ին։ 1065 թվականին Կյուրիկե Ա-ն Լոռին դարձրեց Կյուրիկյան թագավորության մայրաքաղաք: Միջնադարյան Հայաստանում Լոռին եղել է խոշոր առևտրաարհեստագործական կենտրոն՝ կապված Անիի, Դվինի, Դմանիսի, Տփղիսի և այլ քաղաքների հետ:
![935-935-screen-shot-2018-10-22-at-142934.jpg](https://static.ucraft.net/fs/ucraft/userFiles/sochut/images/935-935-screen-shot-2018-10-22-at-142934.jpg?v=1587179888)
![935-935-screen-shot-2018-10-22-at-142834.jpg](https://static.ucraft.net/fs/ucraft/userFiles/sochut/images/935-935-screen-shot-2018-10-22-at-142834.jpg?v=1587179888)
![935-935-screen-shot-2018-10-22-at-142827-1540204165884.jpg](https://static.ucraft.net/fs/ucraft/userFiles/sochut/images/935-935-screen-shot-2018-10-22-at-142827-1540204165884.jpg?v=1587179888)
![r360-untitled-1-15419234395451.png](https://static.ucraft.net/fs/ucraft/userFiles/sochut/images/r360-untitled-1-15419234395451.png?v=1587179928)
Օձուն
Օձունի Սուրբ Աստվածածին եկեղեցին կառուցվել է 303-313 թթ.-ին Տրդատ ΙΙΙ թագավորի կողմից և օծվել Գրիգոր Լուսավորչի ձեռքով։ Առաջին դարում Օձուն է եկել Քրիստոսի 12 առաքյալներից մեկը՝ Թովմասը: Նա օծել է քահանաներ և եպիսկոպոսներ եկեղեցու տեղում (հենց օծել բառից է առաջացել Օձուն բառը), իսկ Հնդկաստան գնալուց առաջ ներկայիս Սուրբ Աստվածածին եկեղեցու խորանի վայրում ամփոփել է Քրիստոսի բարուրաշորը:
![944-944-odzun-church-south-15510811928021.jpg](https://static.ucraft.net/fs/ucraft/userFiles/sochut/images/944-944-odzun-church-south-15510811928021.jpg?v=1587179889)
![944-944-odzunnaturejpg-15510811928478.jpg](https://static.ucraft.net/fs/ucraft/userFiles/sochut/images/944-944-odzunnaturejpg-15510811928478.jpg?v=1587179889)
![944-944-odzun-armenia2931185663-1551081193152.jpg](https://static.ucraft.net/fs/ucraft/userFiles/sochut/images/944-944-odzun-armenia2931185663-1551081193152.jpg?v=1587179889)
![r362-bg1-15419442899579.png](https://static.ucraft.net/fs/ucraft/userFiles/sochut/images/r362-bg1-15419442899579.png?v=1587179928)
Քոբայր
Քոբայրի վանքային համալիրը (XII-XIIIդդ.) գտնվում է Լոռու մարզում` Դեբետի ձորալանջի բարձրադիր դարավանդների վրա։ Ժամանակին վանքը եղել է գրչության ու մշակութային կարևոր կենտրոն։ Որպես մենաստան կազմավորվել և հռչակվել է XIIIդ. 1-ին կեսին։ Շինությունների հիմնական խումբը բաղկացած է երեք եկեղեցուց, զանգակատուն-տապանատնից, սեղանատնից, մատուռներից, խաչքարերից՝ շրջապատված պարսպապատերով:
Քոբայրի վանքը առավելապես հայտնի է եղել իր յուրօրինակ որմնանկարներով, որոնք զարդարել են նրա շինությունները։ Ցավոք պահպանվել են որմնանկարների միայն աննշան մնացորդներ։
![950-950-kobayr18-15510814343499.jpg](https://static.ucraft.net/fs/ucraft/userFiles/sochut/images/950-950-kobayr18-15510814343499.jpg?v=1587179889)
![950-950-kobayr5-1551081432066.jpg](https://static.ucraft.net/fs/ucraft/userFiles/sochut/images/950-950-kobayr5-1551081432066.jpg?v=1587179889)
![950-950-dsc08636-big-15510814314427.jpg](https://static.ucraft.net/fs/ucraft/userFiles/sochut/images/950-950-dsc08636-big-15510814314427.jpg?v=1587179889)
![r366-bg2-15419443121822.png](https://static.ucraft.net/fs/ucraft/userFiles/sochut/images/r366-bg2-15419443121822.png?v=1587179928)